მისია

აღმოსავლეთ – დასავლეთ უნივერსიტეტის მისიაა უზრუნველყოს ღრმა სამეცნიერო ცოდნაზე და მყარ პრაქტიკულ გამოცდილებაზე დაფუძნებული უმაღლესი განათლება, რომელიც ხელს უწყობს პიროვნების ცოდნის, უნარების, ღირებულებების და ხედვების გაფართოებას. უნივერსიტეტი ისწრაფვის შექმნას საუკეთესო საერთაშორისო პრაქტიკასთან შესაბამისი საუნივერსიტეტო გარემო, ხელი შეუწყოს კულტურათაშორის დიალოგს, მიაღწიოს კურსდამთავრებულთა დასაქმების მაღალ მაჩვენებელს ადგილობრივ და საერთაშორისო შრომით ბაზრებზე და წვლილი შეიტანოს ცოდნაზე დაფუძნებული სამოქალაქო საზოგადოების განვითარებაში.

ხედვა

უნივერსიტეტი მიზნად ისახავს გახდეს საერთაშორისოდ აღიარებული საგანმანათლებლო დაწესებულება ხარისხიანი განათლების, ეფექტური მართვის, სამეცნიერო კვლევების განვითარების და საზოგადოებრივი ჩართულობის თვალსაზრისით. ის შექმნის სტუდენტების და აკადემიური პერსონალის პიროვნული და პროფესიული ზრდის ხელშემწყობ გარემოს, რაც წვლილს შეიტანს საზოგადოებრივი ღირებულებების განვითარებაში და მთელი სიცოცხლის მანძილზე სწავლის პრინციპების რეალიზებაში.

მიზნები

უნივერსიტეტი მიზნად ისახავს შექმნას თანამედროვე საგანმანათლებლო გარემო, რომელიც შეესაბამება მაღალ საერთაშორისო სტანდარტებს, გადაჭრის თანამედროვე გამოწვევებს და ჩამოყალიბებულია, როგორც სტუდენტზე ორიენტირებული, ხარისხიანი საგანმანათლებლო და კვლევითი დაწესებულება.

ღირებულებები

უნივერსიტეტის მიერ დადასტურებული ღირებულებებია:

  • აკადემიური თავისუფლება, კეთილსინდისიერება და კრიტიკული აზროვნება;

  • თანასწორობა და სამართლიანობა;

  • თანამშრომლობა და ნდობა;

  • პასუხისმგებლობა, ანგარიშვალდებულება და გამჭვირვალობა;

  • საგანმანათლებლო, კვლევით და პროფესიულ საქმიანობაში ინოვაციური მიდგომების შემუშავება

  • პროფესიული ეთიკის პრინციპების მკაცრი დაცვა;

  • სოციალური პასუხისმგებლობის პრინციპების დაცვა და ხელშეწყობა;

  • ადამიანის უფლებების და თავისუფლებების პატივისცემა;

  • კულტურათაშორისი დიალოგი და ინტერნაციონალიზაცია.