კეთილი იყოს თქვენი მობრძანება აღმოსავლეთ-დასავლეთ უნივერსიტეტში! – ეს არის ადგილი, სადაც ინოვაცია ტრადიციას ერწყმის.
როგორც EWUNI-ის პრეზიდენტისთვის, ჩემთვის დიდი პატივია ვუხელმძღვანელო უნივერსიტეტს, რომელმაც მოკლე დროში დაიმკვიდრა თავი როგორც პროგრესული სამედიცინო განათლების ცენტრმა საქართველოში.
დაარსების დღიდან, ჩვენ შევქმენით ისეთი სასწავლო გარემო, რომელიც სტუდენტებს არა მხოლოდ შთააგონებს და ინტელექტუალურ გამოწვევებს სთავაზობს, არამედ ავითარებს მათ გლობალურ ხედვას. ჩვენი პროგრამა, რომელიც სრულად ინგლისურ ენაზე ხორციელდება, აერთიანებს მაღალი აკადემიური სტანდარტების თეორიულ სწავლებასა და პრაქტიკულ-კლინიკურ გამოცდილებას. ეს უნიკალური კომბინაცია უზრუნველყოფს, რომ ჩვენი კურსდამთავრებულები სრული მზაობით შეხვდნენ გლობალური ჯანდაცვის სექტორის მზარდ გამოწვევებს.
თანამედროვე ინფრასტრუქტურა, უახლესი ლაბორატორიები და ტექნოლოგიით აღჭურვილი საკლასო ოთახები, ერთგული პროფესორებისა და ადმინისტრაციის მხარდაჭერით, აკადემიური სრულყოფისა და სტუდენტების პიროვნული განვითარების ხელშეწყობას ემსახურებიან. გარდა ამისა, ჩვენი საუნივერსიტეტო კლინიკები და სიმულაციური ცენტრი სტუდენტებს საშუალებას აძლევს რეალური სამედიცინო გამოცდილება მიიღონ უსაფრთხო და პროფესიონალურ გარემოში. ეს რესურსები მათ ეხმარება კრიტიკული სამედიცინო პროცედურების განხორციელებაში, დიაგნოსტიკური უნარების განვითარებასა და პროფესიული თავდაჯერებულობის შეძენაში.
ჩვენი ვალდებულება საკლასო ოთახის ფარგლებს სცდება. ვთავაზობთ სტუდენტებს მრავალფეროვან სერვისებს, რათა თითოეულმა მათგანმა იგრძნოს მხარდაჭერა და დაფასება. გვეამაყება მტკიცე კავშირების შენარჩუნება საერთაშორისო სამედიცინო ორგანიზაციებთან, რაც კიდევ ერთხელ ადასტურებს ჩვენი პროგრამების მაღალ ხარისხს,სტუდენტებს გლობალური კარიერული შესაძლებლობების კარს უხსნის.
გიწვევთ ჩვენს არაჩვეულებრივ კამპუსში, რათა ჩაერთოთ ინოვაციურ პროგრამებში და გახდეთ იმ პროგრესული საზოგადოების ნაწილი, რომელიც ჯანდაცვისა და საზოგადოების განვითარებისკენაა მიმართული. ერთად, ჩვენ ვქმნით მედიცინის მომავალს, ვამზადებთ ლიდერებს, რომლებიც შეცვლიან მსოფლიოს.
გმადლობთ, რომ დაინტერესდით აღმოსავლეთ-დასავლეთ უნივერსიტეტით. მოხარული ვიქნები, რომ შეგვიერთდეთ და გავხდეთ თქვენი განვითარების, ახალი აღმოჩენებისა და წარმატების ნაწილი.
პატივისცემით,
გიორგი ხუროძე
პრეზიდენტი
